ကြံရိုး ၊ကြံရည် အံမခန်း သူ့အစွမ်းများ

ကြံပင်ဟာ အဆစ်တွေ ပါပြီး ကြံ့ခိုင်တဲ့ အပင်ဖြစ်ပြီး အမြင့်အားဖြင့် ၂-၆ မီတာ လောက် မြင့်ပါတယ်။ ကြံပင်ကို သဘာဝပေါက်ပင်နှင့် စိုက်ပျိုးပင်အဖြစ် တွေ့ရှိနိုင်ပါတယ်။ ကြံညိုပင်၊ ကြံနီပင်၊ ကြံဖြူပင်ဟု ကြံ အမျိုးအစားများရှိပါတယ်ကြံရိုးက ရတဲ့ ကြံရည်ဟာ မရှိမဖြစ် အာဟာရဓာတ်တွေ ပါဝင်တာကြောင့် ကျန်းမာရေးနဲ့ အလွန်ညီညွတ်ပါတယ်။ ကြံရည်ဟာ စွမ်းအင်မြင့်မားစွာ ပါဝင်တဲ့ သဘာဝ အရည်ဖြစ်ပြီး သကြားထည့်ထားတဲ့ အရည်တွေအစား သောက်သုံးနိုင်ပါတယ်။ကံပင် ကို အင်္ဂလိပ် လို Sugar Cane လို့ခေါ် ဆိုကြပါ တယ်။ ကြံသကာ ကိုတော့ Sugar Cane Candy လို့ခေါ်ဆိုပါတယ်။ ကြံသကာကို မုန့် များ၊ ယိုများ၊ တဆေး (ဝါ)ဆေးယို တွေထုတ်လုပ်ရာမှာ အသုံးပြုလေ့ရှိကြ ပါတယ်။ ကြံသကာဆိုသည်မှာ ကြံရည် ကို ချက်၍ရသော အခဲဖြစ်ပါတယ်။ ကြံသကာနှင့် ဆေး အဘိဓာတ် ကျမ်း အမြင် ကြံသကာ၏ ဂုဏ်သည်ကား အပူလွန်၍သော်လည်းကောင်း၊ နှလုံး ဆို့တောင့်လာ၍သော်လည်းကောင်း၊ သည်းခြေလှိုက်တက်၍သော်လည်း ကောင်း၊လေပူထ၍သော်လည်းကောင်း၊ ရူးသွပ်၍သော်လည်းကောင်း၊ အာပေါ ဓာတ်ပျက်သော အနာကိုသော်လည်း ကောင်း၊ အလွန်ကျုံသောအနာကို လည်းကောင်း၊ သလိပ်အဓိကပြု၍ ချောင်းဆိုးသောအနာကိုသော်လည်း ကောင်း ချမ်းသာစေတတ်သည်ဟု ပြဌာန်းထားပါတယ်။ ကျန်းမာကြံ့ခိုင်စေပါတယ် ကြံရိုးမှာ Glycemic Index နည်း တာကြောင့် ခန္ဓာကိုယ်ကို ကျန်းမာကြံ့ခိုင် စေပါတယ်။ ကြံရိုးမှာ ရိုးရိုးသကြားဓာတ် မပါဝင်တဲ့အတွက် ဆီးချိုရောဂါရှိသူတွေ သောက်သုံးနိုင်သော်လည်း ဆီးချိုရောဂါ ရှိသူတွေအနေနဲ့ တတ်နိုင်သမျှ ထိန်းချုပ် သောက်သုံးသင့်ပါတယ်။အအေးမိတာနဲ့ တုပ်ကွေးတို့ မဖြစ် အောင် ကာကွယ်နိုင်ပါတယ်ရေခဲမပါတဲ့ ကြံရည်ဟာ လည်ချောင်း နာတာ၊ အအေးမိတာနဲ့ တုပ်ကွေး ကွေး တာတို့ မဖြစ်အောင် ကာကွယ်နိုင်တယ် လို့ တချို့က ဆိုပါတယ်။ကင်ဆာကို ကာကွယ်ပေးနိုင်ပါတယ် ကြံရည်ဟာ အယ်လ်ကာလိုင်း ဂုဏ် သတ္တိရှိတာကြောင့် ကင်ဆာ၊ အထူးသ ဖြင့် ဆီးကျိတ်နဲ့ ရင်သားကင်ဆာတို့မဖြစ် အောင် ကာကွယ်ပေးနိုင်ပါတယ်။စွမ်းအင်ရရှိစေပါတယ်ကြံရိုးဟာ ခန္ဓာကိုယ်ကို ဂလူးကို့စ် ဓာတ်ရရှိစေတာကြောင့် စွမ်းအင်လိုအပ် တဲ့ နေရာတွေမှာ ဂလိုင်ကိုဂျင်အဖြစ် သို လှောင်ထားပါတယ်။ရေဓာတ် ပြည့်ဝစေပါတယ် ပူပြင်းတဲ့ ရာသီဒဏ်ခံရရင် ဒါမှမ ဟုတ် ကိုယ်လက်လှုပ်ရှားမှုကို ကြာကြာ လုပ်ရင် ကြံရည်ကို သောက်သင့်ပါတယ်။ ဒါက ခန္ဓာကိုယ်ကို ရေဓာတ်ပြည့်ဝစေ ပါတယ်။ အထူးသဖြင့် ဆော်ဒါလို အချိုရည်တွေအစား ကြံရည်ကို သောက်သင့် ပါတယ်။ခန္ဓာကိုယ် အစိတ်အပိုင်း တချို့ ကို သန်စွမ်းစေတယ်ကြံရိုးဟာ အစာအိမ်၊ ကျောက်ကပ်၊ နှလုံး၊ မျက်စိ၊ ဦးနှောက်နဲ့ လိင်အင်္ဂါတွေ ကိုသန်စွမ်းစေတယ်လို့ တချို့က ယုံကြည် ကြပါတယ်။ဆီး လမ်း ကြောင်း ကျန်း မာစေပါတယ် ကြံရိုးဟာ ဆီးလမ်းကြောင်းကို သန့်စင်စေပြီး ကျောက်ကပ်တွေကို လုပ် ငန်းဆောင်တာ ကောင်းကောင်းလုပ်နိုင်ဖို့ ကူညီပါတယ်။ ကြံရိုးဟာ ဂနိုဆီးပူ ညောင်း ကျရောဂါ၊ ဆီးကျိတ်ကြီးတာ၊ ဆီးအိတ် ရောင်တာတို့ကြောင့်ဖြစ်တဲ့ဆီးသွားလိစိတ်များတဲ့ ဝေဒနာကို သက်သာစေပါ တယ်။သက်လုံကောင်းစေပါတယ် ကြံရိုးမှာ ကာဗိုဟိုက်ဒရိတ်ပါဝင်မှု များတာကြောင့် ခန္ဓာကိုယ်ကို စွမ်းအင် ဖြည့်ပေးပြီး လန်းဆန်းစေပါတယ်။ ပင် ပန်းနေတဲ့ ကြွက်သားတွေကို စွမ်းအင် ချက်ချင်းပေးနိုင်ပြီး အားကစားသမား တွေမှာ သက်လုံကောင်းစေပါတယ်။ ဝမ်းမှန်မှန်သွား စေပါတယ် ကြံရိုးမှာ ပိုတက်စီယမ်ပါဝင်မှု မြင့်မား တာကြောင့် အစာကြေညက်စေပြီး ဝမ်း နုတ်ဆေး အပျော့စားလို ထိထိရောက် ရောက် အသုံးဝင်ပါတယ်။ နွေရာသီ အတွက် ဖျော် ရည် တစ်ခွက် ။ ကြံပင်နှင့် ပတ်သက်၍ မြန်မာပြန် အာယုဗ္ဗေဒ ဆေးကျမ်းကြီးများတွင် အောက်ပါ အတိုင်းဖော်ပြထားပါတယ်။ ကြံညိုပင်သည် ပြေပြစ်၏။ ဂုဏ် နှင့် စွမ်းရည်မှာ သုက်ကိုပွားစေသည်။ နှစ်မြို့စေသည်။ အပူကိုတားမြစ်စေ သည်။ သလိပ်ဖြစ်စေတတ်သည်။ အနာပေါက်ရောဂါနှင့် မြစ်ခြောက် ရောဂါတို့ကို ပျောက်ကင်း စေသည်။ ကြံနီပင်သည် ချို၏၊ဖန်၏၊အေး ၏။ ဝိပါက ချိုစေ၏။ သုက်ကိုပွားစေ တတ်၏။ ခွန်အားကို ဖြစ်စေတတ်၏။ အရောင်အဆင်းကို ဖြစ်စေတတ်၏။ ဓာတ်တို့ကို ပွားစေ၏။ ကြေကျက် ခဲ၏။ လေ၊ သည်းခြေတို့ကို ငြိမ်းအေး စေတတ်၏။ အနာ၊ မီးလျှံ၊ အပူနာ၊ ဆီးချုပ်၊ ဆီးအောင့်၊ သွေးဖောက် ပြန်ခြင်းတို့အတွက် အကျိုးရှိ၏။ ကြံဖြူပင်သည် ချို၏၊ ပြေပြစ်၏၊ ဝဖြိုးစေသည်။ အသက်ကိုရှည်စေ သည်။ သုက်သွေးကို ပွားစေသည်။ သလိပ်ကို ပြုတတ်၏။ ပင်ပန်းခြင်း၊ သွေးအန်ခြင်း၊ သွေးကျခြင်းတို့ကို သက်သာပျောက်ကင်းစေနိုင်ပြီး ခန္ဓာ ကိုယ်တွင်းရှိ အပူတို့ကို ငြိမ်းအေးစေ တတ်ပါသည်။ နောက်ဆုံးကမ္ဘာ့ သုတေသန တွေ့ရှိချက်များ ကြံရည်တွင် ဗီတာမင်B အပြင် ကယ်လိုရီများစွာ ပါဝင်ပါတယ်။ လူ တိုင်းအတွက် သင့်လျော်သော သဘာဝဖျော်ရည်ကောင်း ဖြစ်ပါတယ်။ အစာအိမ်ရောဂါနှင့် ခေါင်းကိုက်ရောဂါ သဘာဝဖျော်ရည်ဖြစ်တဲ့ ကြံရည် ကို နေ့စဉ်သတ်မှတ်ထားသည့် ပမာဏအတိုင်း သောက်သုံးပေးခြင်း ဖြင့် ခေါင်းကိုက်ရောဂါဝေဒနာရှင်များ နဲ့ အစာအိမ်ရောဂါဝေဒနာရှင်များ အတွက် အကျိုးသက်ရောက်မှုရှိ ကြောင်းကို သုတေသနပြုမှုများမှာ တွေ့ရှိထားပါတယ်။ ဗြိတိသျှသုတေသနပညာရှင် များရဲ့ တွေ့ရှိချက်အရ ကြံရည်သည် ခန္ဓာကိုယ်တွင်းရှိ ဆဲလ်များရှင်သန်မှု ကို ပံ့ပိုးပေးနိုင်စေသည့်အပြင် အချို့ လူများတွင်ဖြစ်တတ်သော မှတ်ဥာဏ် ချို့ယွင်းမှုများကိုလည်း အထိုက် အလျောက် အကာအကွယ်ပေးနိုင် ကြောင်း သိရပါတယ်။ ကြံရည်ကို သီတင်းတစ်ပတ်လျှင် သုံးခွက်မျှ သောက်သုံးခြင်းဖြင့် နာ့ဗ်ကြောများသန်မာမှုကို အထောက် အကူပြုစေပါတယ်။ ထို့အပြင် အာရုံ ကြောအားနည်းမှုရောဂါကို သက်သာ စေသည့် အာနိသင်ရှိသည်ဟု ဆို ထားပါတယ်။ Ref : Health Digest (၁) မြန်မာ့အလင်းနေ့စဉ် သတင်းစာ (၂) အရှင်နာဂသိန် အခြေပြုဆေးအဘိဓာန် (၃) Food Remedies. By. Dr.S.J.Singh